2026
मैत्रीचा गोडवा
मैत्री असावी अशी खास,
जसा चहाचा पहिला श्वास।
साखर, चहापत्ती अन वेलदोडा,
एकत्र येता सुटतो सुगंध गोडा॥
पाण्यात विरघळता जसा चहा रंगतो,
त्याच्या प्रत्येक घोटात जिव्हाळा दंगतो।
तसाच स्वभावात स्वभाव मिसळून जावा,
मनात मन जुळता नवा रंग यावा॥
हृदयाला भिडणारी ही अतूट नाती,
सुख-दुःखात देणारी निखळ साथ ही।
न बोलताही सारे भाव सहज कळावे,
मित्रत्वाच्या सोबतीने आयुष्य फुलावे॥
अशी खरी मैत्री जेव्हा जीवनात येते,
प्रत्येक क्षणाला आनंदाचे अमृत देते॥